الرئيسية » عين حرة »

ولاد ليوم لا علاقة لا علاقة

تاقبين ودنم وعاملين حلقة
ولو كايعرفوا غير لبسالة
وعقلم راكب ومهاجر في طيارة
اش هاد الحالة إلي فيها كيبينوا لعياقة
دماغوم خاوي من لقراية
ماعندم لا لياقة ولا اناقة
وش هذي هي لفياقة ?
هاز شكارة وكيقول غادي نقرى
وهوغادي يكتب برى
واش هذا دري ولا مدري
يدخل لدار ويقول لواليد
عطيني ندير بحت مع التلاميذ
وهو ناوي يشري ڭارو ويقصر مع المساخيط
كيدخل دايخ ومبوق
ويقولك عيان وما مسوق
واش هذا دري ولا فردي
يقول لبنت بوڭوصة
بحوايجها المكرية من عند مول الصوفة
كيعجبا حالها وفالآخر تترجع مفقوصة
يبات مع الدريات مكونكطي
ويقولك هذي ماشي نقطتي
نوض تڭعد وفيق
وعيق لراسك عيق
بغيتي تقلد الغرب
وانت داير بيك الزرب
إيــــه ياولاد الدرب
واش مزال ماشبعتوا ضرب
قراو را لقراية مزيانة
في هذ الزمان إلي ماعندوا لا نهاية ولا امان
فيقوا من الڭلبة فيقوا
كيبانلي ضايخين
وتقضروا تجيو مرضوخين
نصيحة ليكم
تحزموا لبلادكم
بش تعزوا مجادكم
وترجعلكم كرامتكم
لي فقدتوها فسوباتكم
نوضوا فيقوا وخدموا لفياقة
وبينوا ان البلاد بلا بيكم لا علاقة

كتاب يوميات معلم بالأرياف بمكتبات وزان
  •  
  •  
  •  
  •  

اترك تعليقا

أعلمني عن
‫wpDiscuz